Sinhala
English
Tamil
විදුහල්පති පණිවිඩය
මාර/ කොට්විල ශ්රී රතනපාල මහා විද්යාලය
1914 වසරේ සිට වසර 108ක දීප්තිමත් ඉතිහාසයකට හිමිකම් කියන ශාස්ත්රෝදය බෞද්ධ මිශ්ර පාසල අද වන විට මාර/ කොට්විල ශ්රී රතනපාල මහා විද්යාලය නමින් වැලිගම අධ්යාපන කොට්ඨාසයේ සහ මාතර අධ්යාපන කලාපයේ ප්රධාන අධ්යාපන ආයතනයක් ලෙස රටේ අනාගතයට වටිනා ළමා පරපුරක් දායාද කරමින් සිටී. විශේෂයෙන්ම අපේ පාසල වැලිගම අධ්යාපන කොට්ඨාසයේ අ.පො.ස: සාමාන්ය පෙළ ප්රතිඵලවලින් වැඩිම ප්රතිශතයක් ලබාගෙන ඇති අතර අපො.ස :උසස් පෙළ 60්% ට වැඩි සමත් ප්රතිශතයක් සමඟ අධ්යාපනයේ ජයග්රහණ ලබා ඇත. අපගේ ඉගෙනුම් සහ ඉගැන්වීම් ක්රියාකාරකම් 21 වැනි සියවසේ අධ්යාපන ක්රමයට ගැළපෙන පරිදි පෙළගැසී ඇත. විද්යාලයේ කුසලතා මත පදනම් වූ අධ්යාපන ක්රමය තුළ උගන්වමින් සහ ඉගෙනුම ලබමින් දක්ෂතා සහ කුසලතාවන්ගෙන් හෙබි දරුවකු සමාජයට ලබාදීමේ වගකීම ඉලක්ක කරගත් දැක්මක් කරා ගමන් කරමින් අපේ දරුවන් තාක්ෂණයෙන් සන්නද්ධ කිරීම අපගේ අරමුණයි. ඒ සඳහා විද්යාලයීය හිතවතුන්ගෙන්, ගරු, ආදි සිසුන්ගෙන්, කලාප අධ්යාපන කාර්යාලයෙන් ලැබෙන දායකත්වය අපගේ ඉදිරි ගමනට මහඟු පිටිවහලක්ය. විෂය හා විෂය සමගාමී කුසලතාවලින් පිරි සෞඛ්ය සම්පන්න පෝෂණයක් ඇති දරුවන් පිරිසක් බිහි කිරීමේ අපේ ගමන සාර්වාථක වේවායි ප්රාර්තනා කරමු.